विद्यालयमा आधारित तालिम सम्पन्न

मिर्लुङ, १२ असार । तनहूँ जिल्लाको मिर्लुङ गाविस स्थित घलेछाप स्रोत
केन्द्रमा सञ्चालित विद्यालयमा आधारित प्राथमिक तहका शिक्षकहरुको
अंग्रेजी विषयको पाँच दिने तालिम शुक्रबार सम्पन्न भयो ।
अभिभावकहरुको बढ्दो अंग्रेजी भाषा प्रतिको आकर्षा र वर्तमान परिस्थितिमा
सरकारी विद्यालयले पनि अंग्रेजी माध्यममा पठनपाठन गराउने उद्देश्यले
जिल्ला शिक्षा कार्यालय तनहूँले आयोजना गरेको तालिममा निर्मल उच्च
माध्यमिक विद्यालयका शिक्षक चक्रबहादुर अधिकारीले प्रशिक्षण दिनुभएको
थियो ।
समापन कार्यक्रममा सहभागीहरुको तर्फाट बोल्दै दिपक ढकालले तालिम निकै
रोचक र उपयोगी भएको बताउनुभएको थियो । विद्यानिकुञ्ज माध्यमिक विद्यालयका
प्रधानाध्यापक चन्द्रप्रकाश पौडेलले आफूले सिकेका कुराहरु व्यवहारमा
उतारी चूनौतिको सामना गर्न सुझाव दिनुभयो ।