विद्युत सुचारु

दमौली, १५ जेठ । बिहीबार अपराहृन आएको हावाहुरीले व्यास नगरपालिका १ को
विज्ञानचौर र गहवुबेसीमा बिजुलीको पोलहरू ढाल्दा तनहुँको दमौली, डेम्रे
तथा लमजुङको सोती पसलमा अवरुद्ध विद्युत आज बिहानबाट सुचारु भएको छ ।
उक्त स्थानमा ढलेका दर्जनौँ बिजुलीका पोलहरू मर्मत गरेपछि विद्युत
सुचारु भएको दमौली सवस्टेसनले जनाएको छ ।
हावाहुरीका कारण केही समय टेलिफोनसमेत अवरुद्ध बनेको थियो ।
हावाहुरीसँगै आएको असिना पानीले मकै, चैतेधान र तरकारी बालीमा समेत
क्षति पुर्‍याएको कृषकहरूले बताएका छन्