व्यस्त बालुवाटार

काठमाडौं, जेठ १४ - प्रधानमन्त्री माधव नेपाल बालुवाटार सरेपछि
प्रधानमन्त्रीको सरकारी निवास बालुवाटार फेरि व्यस्त हुन थालेको छ। सत्ता
साझेदार नेपाली कांग्रेस र नेकपा एमालेका नेताहरु सरकारको न्यूनतम
कार्यक्रम र मन्त्रालय बाँडफाँट गर्न बिहीबार बिहान बालुवाटारमा भेला भए।
प्रधानमन्त्री नेपालले नेपालस्थित जापानी राजदूतसँग बालुवाटारमा भेट
गरिसके भने अमेरिकाका राजदूत न्यान्सी जे पावेलसँग पनि बालुवाटारमा भेट
गर्दैछन्। केही दिन अघि बढुवा भएकी पावेल अमेरिका फर्कने तयारीमा छिन्।
प्रधानमन्त्री नेपालले बिहीबार बिहान संविधानसभा अध्यक्ष सुवास
नेम्वाङसँग छलफल गरिसकेका छन्।